Zlatan Ibile Buy N750K Designer Bag For Bolanle


Zlatan Ibile Buy N750K Designer Bag For Bolanle

Man of di moment Zlatan don surprise one of him fans Bolanle with gift of designer Dolce & Gabbana bag

Di Zanku master dey work on one new song wey go soon drop and di title of di song na Bolanle.

See How Nigerians Take React After Zlatan No Send De 1M Giveaway Wey Him Promise

As anticipation Zlatan decide say him wan go out with any lady wey her name na Bolanle and him make dat announcement via him social media handle.

E no tey before him still announce say him don see Bolanle o.

Before i go fit answer di small pikin wey dey ask me who be di president of Nigeria, i don dey see doings wey Zlatan dey post via social media. Make di matter no too long, Zlatan sha carry dis Bolanle go dinner where dem chop life.

Like say dat one no do, di Gbeku master still go shopping for Bolanle where him buy am Dolce & Gabbana bag wey worth N750K and you fit click on di video wey dey down to watch wetin happen.

From di way wey everything dey happen, pipo don dey ask weda Zlatan don leave him girlfriend because of Bolanle.

Celebrities sef see dis kain tripsss come begin shuk mouth for di mata as Davido, Dr Dolor and other drop their comment.

Di thing no gree Broda Shaggi close mouth him do video where him dey para for Zlatan say wetin happen. #LOL.

But di one wey mad me na @thecuteabiola wey say na him be Bolanle boy friend. Him do video where him dey cry dey beg Zlatan make him release him girl friend… Hmm.

Both di song, di Bolanle girl and Zlatan don trend kpa.

View this post on Instagram

OH No 🤦‍♂️ #BOLANLE @thecuteabiola

A post shared by Kapaichumarimarichopaco (@zlatan_ibile) on