#XenophobiaInSouthAfrica: How Naija Pipo Take React


#XenophobiaInSouthAfrica: How Naija Pipo Take React

Days after wetin happen for South Africa over di weekend where South Africans loot Naija pipo shop, Nigerians for home country don react

Di #XenophobiaInSouthAfrica hashtag begin tag wella during di week and di tins wey dey happen for Nigeria dey follow make am trend more.

#Xenophobia: South Africans Clash With Naija Pipo For SA

After di news plus videos of wetin South Africans do Naija pipo wey dey their country, Nigerians don come out full time to see how dem fit take their revenge but di way wey dem dey do am na wetin i come dey reason weda e make sense abi e no make sense.

Yesterday, around 2pm, crowd begin gather for outside Jakande Shoprite Circle Mall for Lekki and before you go know wetin dey happen from small gathering of pipo wey just dey discuss di #Xenophobia mata, e reach where plenty pipo come gather and before you 3pm di crowd don dey ginger make dem enter inside di mall but di staff no gree open di doors and from there dem decide to lock di mall wey make am hard for pipo wey dey inside to come out and di pipo wey dey outside no fit go inside.

Before 4pm water don pass garri and small small riot don start even though say police dey there to see say things no spoil and na wen things begin spoil police decide to step in and na like dat dem take shoot and kill one of di pipo wey dey outside.

As police kill di man, everywhere bust and no be money bust everywhere like Erigga tok for him song because dis time around na kasala bust every where as di angry mob enter di police men wey dey ground there.

Finally dem succeed to burn di police van wey dey there and na there wahala start.

#XenophobiaInSouthAfrica: How Naija Pipo Take React

Meanwhile for other parts of Lagos State we get report say thugs dey attack any oyibo pesin wey dem see and for Uyo angry mob bust MTN office too.

#XenophobiaInSouthAfrica: How Naija Pipo Take React


MTN na still South African country wey dey operate as M-Cell before dem change name.