Tanker Fire Accident Kill 7 People For Anambra


Tanker Fire Accident Kill 7 People For Anambra

De fire reach de security post for Governor lodge

Atleast seven people die today Sunday morning as one tanker catch fire accident close to de Anambra State Governor Lodge wey dey Amawbia for de state capital Awka.

Fatal Accident Kill Kenyan Governor Wahome Gakuru

We also get report say governor, Willie Obiano been dey de lodge when de accident happen and more than 10 motor follow burn for de accident.

Person wey dey there when de whole thing begin happen say de tanker dey try bend for Amawbia roundabout and as de matter dey be, him dey speed and na like dat the tanker take fall before e catch fire.

Him say as de tanker fall, people wey dey very close begin run but de fire still burn like 7 people and plenty people wound well well.

The Police Public Relations Officer for de state, Haruna Mohammed confirm the matter.

Him say at least dem don confirm say 7 people don die as at when we dey make dis report and de people wey survive dey de University Teaching hospital Nnewi for de intensive care unit of the hospital.

Out of de seven people wey die, three dey Amaku General Hospital Mortuary, two dey Regina Caeli Hospital and another two dey Piston Hospital Morgue make doctors check dem before dem bury dem.