Naija Singer Timi Dakolo and husband to Busola Dakolo meet with Anthony Joshua for de early hours of Saturday Morning
Timi dey with de British professional boxer wey get him root from Nigeria for inside where be like say na gym and na there dem snap de picture wey you dey see so.
De singer enter him Instagram handle come post de picture wey dem take together and him write say;
“MET THE CHAMP THIS MORNING @anthony_joshua .NICEST GUY. SO YOU SEE MY BOXING CAREER IS LOOKING BRIGHTER”.
Anthony Joshua been touch down for Nigeria on Thursday as him come visit him motherland and from de video wey Janet Joshua post, you go see as him Naija brothers dey hail am and him dey smile as him dey give him fans knuckle chop.