Damini Ogulu aka Burna Boy don ready to drop him “African Giant” album and him sample de album cover and him don also tell us when we go expect de album to drop
De success story begin build up wen Kanye West drop him “Ye album” some days after Burna Boy drop him own “Ye single” from Outside album. E don reach one year since dis mata sup but e don carry Burna Boy go another level.
E happen say Kanye West drop him album wey him call Ye but when fans go on iTunes to search for Kanye album, na Burna Boy Ye single go dey show and na like dat Burna still take kolobi some of Kanye fans.
Ever since dat time till now na more success story for Burna Boy and now him wan drop new album wey him call “African Giant”.
Him go him Twitter handle @burnaboy come post de “African Giant” album cover plus de day wey e go drop and him say na on de 26th of July de album go drop.
July 26th African Giant Album !!!! pic.twitter.com/I6uoKeyif1
— Burna Boy (@burnaboy) July 9, 2019