Port Harcourt Mall Gas Explosion Land Five Pipo For Hospital


Port Harcourt Mall Gas Explosion Land Five Pipo For Hospital

Ameboupdate get de gist say five pipo dey for Rivers State University Teaching Hospital  dey collect treatment after gas explode for de Bakery side of Port Harcourt Mall on Wednesday

After de gas explode, de mall close and dem end business for de day as katakata dey everywhere and pipo don wound.

Tanker Fire Accident Kill 7 People For Anambra

Head of Department for Accident and Emergency RSUTH wey be Dr Lawson Ndu confam say na five de hospital receive afta de gas explode inside de kitchen of de Port Harcourt Mall and na between 4pm to 5pm dem bring dem come.

As Pidgin Parrot take bring de tori come Ameboupdate, we hear say na for de Continental Cuisine kitchen de fire start and na section wey dey inside de mall wey dey cook Chinese food plus other food from different continental.

From wetin Pidgin Parrot hear, na de Chief Security Officer for de Port Harcourt Mall bring out de pipo wey wound.

Nobodi sabi how de fire take happun but Nnamdi Omoni from Rivers State Police Command wey confam de explosion say dem don begin investigate de matter.

Port Harcourt Mall dey for old GRA side and e no far from Rivers State Government House main gate for old Port Harcourt.

And na here we end de tori, we go still bring una more gist as Pidgin Parrot update us.