Police Don Invite Timi And Busola Dakolo To Answer Question

19

Police Don Invite Timi And Busola Dakolo To Answer Question

De police don invite singer Timi Dakolo and him photographer wife Busola Dakolo to come answer question for their office on Tuesday 23rd July 2019

Dis new development dey come after Busola Dakolo accuse de founder and pastor of Commonwealth Of Zion Assembly (COZA) say him rape am when she dey 16 years when dem still dey say Ilorin before de church come change location.

See Wetin Timi Dakolo Talk After Him Meet Anthony Joshua

After Busola raise dat mata, pipo for social media react well well and e even reach where some pipo go de church protest say make de mata no die like dat and na wetin still follow make de general overseer and founder Pastor Biodun Fatoyinbo step down from him office.

With de new development e show say him no just step down to sleep but to drag de mata. Even though say Timi and him wife dey come with allegation wey strong, de pastor dey deny de whole thing and just wen we think say de mata don die, another episodeof de drama drop like bomb.

On Saturday, Police serve de husband and wife invitation letter from Police headquarter, Abuja for their house wey dey Lagos say make dem report for interview by 10:00am on Tuesday and make dem come answer question after pesin don open case against dem on “criminal conspiracy, falsehood, mischief and threat to life”.

Dis na de letter for Timi:

Police Don Invite Timi And Busola Dakolo To Answer Question

See Busola own even though dem make mistake write am Bisola.

Police Don Invite Timi And Busola Dakolo To Answer Question

Dis tori dey come after Timi Dakolo enter Instagram cry out say e get one white Hiace bus wey dey de front of him Lagos house and men wey carry gun dey look for am but after every thing don calm down e coe be say na dis letter dem come serve dem.

See post:

View this post on Instagram

STRANGE MEN AT HOUSE,…WITH GUNS

A post shared by Timi dakolo (@timidakolo) on

As more update dey come wey go let una know.

Loading...

NO COMMENTS

LEAVE A REPLY