Police Don Arrest Tekno


Police Don Arrest Tekno

Former MMMG artist and Cartel Music boss Tekno don get kwanta with police after de video where him dey inside van with strippers don go round social media

De music star on Friday night make road users open mouth as him patrol inside van with half-naked women wey dey dance as him dey spray dem money and camera dey cover dem.

I Promised To Make You So Much Money 5 Years Ago – Tekno Tell Ubi Franklin

And on Tuesday Police arrest am. According to Nation newspaper, police question de singer for many hours for de State Criminal Investigation and Intelligence Department (SCIID) Panti, Yaba before dem free am based on health issue.

Deputy Commissioner of Police (DCP) Lagos SCIID, Mrs. Yetunde Longe, say dem still dey do investigation on top de mata but dem no fit detain Tekno because of him health.

Dem also advise am to show up any time dem need am for more question. The Lagos Police spokesman, Bala Elkana, a Deputy Superintendent (DSP) say dem also arrest de girls wey dey strip.