E get some styles wey you go use your African ankara print sow wey go make you stand gidigba anywhere you go.
Before dis time na simple blouse and wrapper pipo dey use sow ankara but now people wey sabi wetin dey happen for de fashion industry wey we sabi as fashion designers don find new way to make some kain ankara design wey go make your belle sweet if you wear am.
Now, people dey rock their African print go everywia even place wey be say na only oyinbo cloth dem dey wear go before. You go see pesin wey dey go office go use Ankara blend wetin him wear or even wear am full regalia.
Some people wan begin give excuse why dem dey do am like dat. E get one person wey say “ehn, e depend on de kain office where you dey work” but I still dey let am know say e no be like that before and that one mean say Ankara don dey take over de fashion world for Africa and even outside Africa.
E get one coat wey oyinbo pipo dey call “blazer” wey dem dey use style Ankara designs atimes and e dey make sense. African ankara print na wetin dem dey take no say we be Africa but now na everybody all over the world dey wear their own way.
See pictures for down.