New Ankara designs and styles dey come out everyday and as e dey come out, you go see say di styles dey bust head
All of us go agree say anytime wen you see new ankara designs, di first thing wen dey bust head na di fine color and different pattern wen di material get and den you no fit miss to notice di Arican root.
No be secret again say African na di leader wen e reach ankara material around di world.
Wetin we need understand again be say Ankara patterns no be di regular material and wen you wan sew am you go need beta designer wen sabi wetin e dey do and also person wen get beta concept and fashion sense.
Ankara designs and styles dey popular for Africa and you fit sew am to your own style and taste, wear am for any event. E don even reach where some people dey wear am go office.
Chiffon fabric dey come in different styles. some fit be lightweight, plain wover sheer fabric or gauze woven of alternate S– and Z– twist crepe yarns.
For olden days, dem dey use only silk make chiffon but as things come dey change, dem come dey use di nylon version of chiffon with the polyester chiffon wey come dey very popular and e dey cheap too.
People dey use chiffon do evening wear most times especially on top di gown. Dem dey use chiffon fabric well well for blouse, ribbons, scarves and lingerie.
Just like other crepe fabrics, chiffon dey very difficult to sew because e dey light and e get as di texture be.
If you wan wash chiffon you go wash am gently because e get as di material be. Since chiffon dey light, you suppose use bounds or French seams sew am make e go well.
See more photos