South African rapper, Nasty C don announce him new label ‘Tall Racks Records’ via him Instagram page
The Strings and Bling rapper enter him Instagram page to make de announcement for him fans and him also announce Rowlene as de first artist wey him don sign.
According to de rapper de new label name na Tall Racks and de artist wey him sign na singer Rowlene. No forget say him been jump on one song wey Rowlene feature am wey she call 143 and even Rowlene hersef don drop beta jamz like One, Two Step where she feature Lastee, Boy Bye, Too Loud and more.
See Nasty C post;
Her real name na Rowlene Nicole Bosman and dem born am on 3 March 1997. Her stage name na Rowlene and na South African singer songwriter and wanna-be actress. Dem born am for Elsies River, Cape Town and she also grow up there. Rowlene begin perform for different singing and dancing competition when she still small. She drop her first single wey she call Imposter early 2015 and na from there she enter spotlight late 2016 after she feature on Nasty C single Phases. She don work with different South African stars like Riky Rick, Bigstar Johnson, Tellaman, Gemini Major and Nasty C.
Watch Phases by Nasty C and Rowlene