Mzansi Celeb Gist: 9 Things You No Know About A-Reece


Mzansi Celeb Gist: 9 Things You No Know About A-Reece

A-Reece real name na Lehlogonolo Mataboge and him be 21 year old rapper wey don open him way enter the SA hip hop industry for young age

Although the rapper been problems with him former label Ambitiouz Entertainment but him see am as the chance to move to greater heights.

Him begin rap from Primary School as him follow the footsteps of him older brother P-Jay from the rap group B3nchmarq.

1. Na P Raw first sign A-Reece to Raw X at the age of 16 before him later join Ambitious Entertainment.

2. The rapper enter Ambitious Entertainment in 2015 and him comot in 2017 without him music to start afresh because him no agree with the terms of the contract wey dem give am after the whole delay.

3. Him say wetin inspire him name na him interest in astronomy and him starsign wey be Aries.

4.  A-Reece grow for Pretoria with him parents and two brothers but his father no too dey dey around.

5. Him say na Khuli Chana open for him for him first show at the age of 16.

6. Reece as him dey grow get most of him ginger and motivation from him older brother P-Jay from the rap group B3nchmarq.

7. The rapper say na 2 Pac be him biggest inspiration to do music

8. Him begin dey popular after him drop one single wey him call Cassper’s Picture based on Cassper Nyovest life back in 2014.

8. After him comot from Ambitious Entertainment, the rapper start one group with him friends and dem call am “The Wrecking Crew” and dem base for Pretoria with artists like Ecco, Flame, Wordz Tha Prince.

9. A-Reece release him first mixtape “Forever King” in August 2013 and him follow am up with “Browniez EP” wey drop on October 31, 2014 and then him first album “Paradise” wey drop on the 21st of October in 2016. The rapper then drop him first album as independant artist on 21 October 2017 with “From Me To You And Only You” wey him follow up with 3 track EP and joint Mixtape L3 (LONG LOST LETTERS).

Watch this interview and freestyle with “The Wrecking Crew”