Today na black Sunday for Naija football family as some of di local league players die for motor accident
Rangers Striker Ifeanyi George and two oda Rangers players die today after dem get accident along Benin-Ore road.
Di striker dey travel with two oda players wen we never know wen dem run enter di back of one heavy duty truck and all of dem die.
According to source, di 26 year old player dey travel with him team mate after dia club give dem break because of say dem don shift di date for di Nigeria Professional Football League (NPFL) 2019/20 season due to di coronavirus wahala.
Rangers team manager Amobi Ezeaku don confirm di sad news.
See graphic pictures below: