Scuba dress na one of de latest trend for fashion world and na because of dat we don make beta selection of de latest scuba designs and styles 2019
De scuba material get de origin from USA where dem produce am for de first time. Before we see de beta plus ogbonge latest scuba designs and styles 2019, e go make sense say we first talk about de material.
No need make we begin tok long tok or explain how dem dey make Scuba. Na just de important things about dis wonderful material we go talk about before we check de styles.
Na DuPont first produce dis material and DuPont na American company wey begin operate for July 1802 inside Wilmington, Delaware, as gunpowder mill by French-American chemist and industrialist Éleuthère Irénée du Pont.
Their headquarter dey Midland, Michigan, United States and as at 2018 dem get 98000 pipo wey dey work for dem.
Now make we enter de tori proper, shey you get Scuba material wey you wan sew but no sabi de style wey you go sew am and your tailor sef dey show you designs wey you no dey feel, no worry as Ameboupdate gat ya back and we don select de best and latest Scuba designs and styles wey come out dis 2019.
If you neva get de material but you dey see am and how pipo dey rock am and you like am, notin spoil as i go tell una something about dis material.
- De scuba material na de kain material wey you fit say na rubber. Why e be like dat na because say during de war when rubber scarce and soldiers no dey see wetin to use again, DuPont and some other top companies try create wetin go fit replace rubber but finally na DuPont Neoprene fit do de work and after de war dem discover say you fit use Neoprene do oda tins apart from millitary equipment. Bottomline be say de scuba material dey stretch wella.
- Air and water no fit pass thru de scuba material and dat one mean say if you wear cloth wey you use scuba sew and e tight, you go sweat like christmas goat because air no dey enter am and de sweat no fit comot, e go just dey between your skin and de material and that na why any cloth wey dem use scuba sew suppose dey loose.
- De scuba material dey very good for swim suit and scuba diving
- De country wey dey export de material wey dem dey use make scuba pass na USA and China then Netherland and Japan.
Check out de latest scuba designs and styles for de year 2019.