Gunmen Kill CDC Chairman With Another Pesin For Rivers

23

Gunmen Kill CDC Chairman With Another Pesin For Rivers

De Chairman, Community Development Committee, Choba community, Rivers State don die after gunmen kill am alongside one oda pesin

Lawrence Igwe with another top member meet their death yesterday Sunday morning for Choba, Obiakpor Local Government Area, Rivers State.

As Pidgin Parrot take gather de information, de gunmen break enter him house where dem shoot am anyhow inside him room before dem come comot.

Of recent cultism don dey take over dis particular area but de ruler of de community (Choba) Eze Raymond Okocha say dis one no be cult mata as be say de men sef try enter him palace but no succeed.

Police don confirm de killing as de Police Public Relations Officer, Rivers State Command, Nnamdi Omoni say dem don dey gather information wey go fit help dem track de men wey carry out de operation.

De late Lawrence Igwe na Chairman, Community Development Committee, Choba community, noble Knight of Anglican Communion and member Council Of Knights of de Diocese of The Niger Delta North and na also elder of de Holy Trinity Anglican Church Choba.

 

Loading...

NO COMMENTS

LEAVE A REPLY