De First Lady and wife to President Muhammadu Buhari call de attention of de police after Timi Dakolo cry out say men with gun inside white bus dey de front of him house for Lagos
Singer Timi Dakolo take to Instagram on Saturday to alert de public say e get one white bus wey park for de front of him house and men wey carry gun full am.
De first lady Aisha dey among de pipo wey react as she post one tweet where she call de attention of de Inspector General of Police make dem check wetin dey happen.
Her tweet come after Sahara Reporters report say Police men dey try force de Dakolos to follow dem go Abuja to go answer questions.
See her post:
— Aisha M. Buhari (@aishambuhari) July 20, 2019
Rapper Ruggedman too put mouth for de mata as him comment for Timi Dakolo post on Instagram say dem don contact de Police PRO and dem confam say na policemen dey de moto wey park for de front of him house.
More details go come later.
Watch de video of wetin happen for Dakolo house.