Singer Azeez Fashola wey im popular name be Naira Marley don comot from EFCC hand based on bail
Dem release am like 2 weeks after one Federal High Court for Lagos grant am bail.
Pidgin Parrot get de hands say de singer comot from jail around dat kain 4:20 p.m. on Friday after pipo wey do surety for am sign the bail paper.
EFCC bin bust de singer come charge am go court and dem count 11 tins wey him take break de law.
Justice Nelson Oweibo give am N2m bail plus two sureties wey still pay de same amount.
One of de pipo wey stand for Naira na civil servant and im no dey below Grade Level 10, and de other one get landed property wey dey area where de court get mouth.
Him shift de case till October 22, 2019 to begin trial.
As de mata dey be one of de pipo wey welcome Naira Marley na former BBN housemate Khloe via her IG handle.
Another celeb wey welcome am na YBNL Olamide as im tell am say make im kip de vibes positive.