High Court Give Busola Dakolo And Pastor Biodun Fatoyinbo 14 Days To Show Face For Court


High Court Give Busola Dakolo And Pastor Biodun Fatoyinbo 14 Days To Show Face For Court

Federal High Court wey dey sit for Abuja don give Timi Dakolo wife Busola Dakolo and Pastor Biodun Fatoyinbo of COZA wey she accuse of rape 14 days make dem show face for court

Photographer and wife of musician Timi Dakolo, Busola Dakolo been accuse di senior pastor of di Commonwealth of Zion Assembly (COZA) Biodun Fatoyinbo of rape and since that time na from one issue to another.

Eedris Abdulkarim And Others Protest Against Pastor Adeboye For Redeem Camp

Biodun Fatoyinbo been deny di mata say him no ever for once rape Busola Dakolo but as time dey go wen pipo dey reason say di mata go die down, more case still dey come up.

E get time wen Timi Dakolo go on Instagram say police pipo dey him house and dem wan arrest him and him wife but after celebrities and top pipo like RuggedMan make call, e come be say na paper di officers come serve dem wey dey invite him and him wife Busola come Abuja to meet with oga of police.

Di mata don too dey long and now di court don tell both di pesin wey accuse and who dem dey accuse say make dem for show face for court make dem reason di mata.

In other news, Busola don say before she go let di mata die, say pastor Fatoyinbo go write letter of apology personally and him go add N10M join di letter because as she take tok, di rape wey happen many years ago don affect her marriage and she still dey feel somehow just because of wetin happen.

More update go come your way soon.

See di court letter below;

This slideshow requires JavaScript.

Image Source: ChannelsTV

Twitter don join for di tok as pipo dey tok their mind on top di social media and if you kotinu to read, you go see wetin pipo dey tok for Twitter.