According to The Sun UK BBNaija housemate Khafi go get sack letter from London Metropolitan Police when she resume duty due to di kind behaviour she don show for di live show
But when Khafi Kareem management dey address di mata dem tok say all di news na lie as di 29 years old Ekiti State housemate no get any wahala with her boss dem.
Wen dem dey address di mata, Khafi management use oyibo finish work as dem say di news na “sensational and defamatory outburst”.
And dem still tell The Sun Uk make dem pull di news down or dem go take legal actions against dem.
All dis mata dey come up based on say Khafi enter Big Brother house without proper permission from and New Scotland Yard and London Metropolitan Police wey grant her leave without pay say she go di house go dey spoil their image based on di gbangudu wey she and Gedoni dey do inside di house wey even make some Twitter users begin tok say Khafi fit carry belle before she leave Big Brother house.
As time dey go we go know di real story and no forget to share with us wetin you think via di comment section.