As everything don dey ready and as de cable network don open, BBNaija dey start on Sunday June 30
After de first edition wey hold for Naija in 2006, Big Brother Naija don come back with Season 4 as dis year own go hold for Nigeria.
The TV reality show go start somewhere for Lagos Nigeria and dem go start with show wey dem go use launch de program and e go last 2 hours.
The opening ceremony go show live on Africa Magic Showcase, Africa Magic Urban and Africa Magic Family and de rest of de program go kotinu on de 24-hour live channel of BBNaija wey dey available on DStv packages, GOtv Max and GOtv Plus.
Pipo wey dey outside Africa no go fit watch the reality TV show live but from Monday, July 1, 2019, Africa Magic go update their YouTube channel wit de opening show and e go show for one month.
Ebuka go come back as de host of de program wey go last for 92 days as the housemates go hustle for N60 million.
Ameboupdate go still dey bring una de update of how e dey happen as e dey hot.