LEARN TO MAKE MONEY WITH AFFILIATE MARKETING
Rabiu Tajudeen wey be one of de officials of National Union Of Road Transport Workers don die and na on Friday him die when gunmen on top okada shoot am die
De top official of the NURTW for Osun State, Rabiu Tajudeen die after men wey pipo suspect say na cult members use bike block am come kill am.
Before him die, Tajudeen na official of de Lagos Park branch of NURTW for Osogbo and pipo confam say him dey always dey with de chairman of Oroki Branch of the union, Kazeem Oyewale aka ‘Asiri Eniba.’
According to one eyewitness wey see everything wey happen, e dey clear say dem track Tajudeen come him wife shop around Ilesa Garage and na for de front of de place de gunmen kill am.
De eyewitness wey get shop around de Ilesa Garage area say e been dey buy wetin he wan take cook soup when three men on top bike come de place.
“They shot him at close range. He was directly in front of his wife’s shop at Ilesa Garage when the incident happened. He died on the spot.”
Police spokesperson for Osun, SP Yemisi Opalola confam de incident as he say Rabiu daughter also collect bullet even as de gunmen shoot and kill her papa.
As he talk am e say;
“On Friday at about 12:40 p.m., the police received a report stating that an incident happened at Ilesa Garage Area of Osogbo.
“Information gathered showed that the deceased Rabiu Tajudeen was a suspected cultist and was shot dead in front of his wife’s shop by unidentified gunmen.
“The gunmen launched the attack from atop a Bajaj motorcycle and fled the scene immediately after the shooting.”
In other news, security for Anambra state don dey tight up and peace and sanity dey come back to different part of de area as police bust de camp of unknown gunmen for de state.
Different palava don dey disturb de state from drug dealers to unknown gunmen and bandits but after recent times wey de National Drug Law Enforcement Agency bust different drug barons wey dey de state, drug dealing for de state don dey reduce.
E dey obvious say de new Soludo government no fit get space for drug dealers, terrorism and banditry as dem dey do dia best to restore peace for de state.