LEARN TO MAKE MONEY WITH AFFILIATE MARKETING
De pipo of Osun state don choose new governor as dem elect Ademola Adeleke of de People’s Democratic Party wey majority of de vote for Osun state
Four years after he lose de election, Ademola Adeleke don win under PDP as he colobi 403,371 votes take win him closest opponent wey be de present governor of de state, Gboyega Oyetola, wey get 375,027 votes.
The PDP Ademola Adeleke win de governorship election with 28,344 votes as he win 17 out of de 30 Local Government Areas wey dey de state.
No be de first time wey Adeleke and Adegboyega go face demsef for election be dis as dem been don jam for 2018 but Adegboyega Oyetola win with 482 votes.
Wetin you need know about Ademola Adeleke
Him mama Nnena Esther Adeleke and him papa Raji Ayoola Adeleke born am on May 13, 1960 for Ede, Osun State. De papa na muslim but him mama na christian. Family wey he come from na de type wey dem sabi wella for Ede inside Ede Local Government Area.
Adedeji Adeleke, Nigerian billionaire, business guru and president of Adeleke University with de late Mr Isiaka Adeleke na Ademola elder brothers as na him be third and last child.
Pipo begin sabi am for politics after him lose him elder brother Isiaka Adeleke, wey serve as senator for Osun-West.
Him elder brother die on April 23, 2017 and na after den Ademola take Isiaka position for Senate. Him dance steps as he dey serve follow for where e get de name “dancing senator”, Ademola Adeleke serve as senator for Osun West Senatorial District between 2017 and 2019.
Adeleke begin primary school for Methodist Primary School, Surulere, Lagos State, before he transfer go Nawarudeen Primary School for Ikire.
He later go Ede Muslim Grammar School Ede where him complete him secondary education come go join him two elder brohers for US.
He go Jacksonville State University, Alabama for United States where he study criminal justice and political science. Then Atlanta Metropolitan State College where he collect Bachelor of Science in criminal justice in 2021.
Adeleke serve as de executive director of Pacific Holdings Limited from 2001 to 2016; and later as service contractor for Quicksilver Courier Company in Atlanta, Georgia, United States.
He also serve as de vice president of Origin International LLC wey be flavour and fragrance manufacturing company inside Atlanta, Georgia, US from 1990 to 1994.
Ademola Adeleke na Nigerian musician Davido uncle and de artist play big role as he come out full time to support him uncle for de 2022 election.
Watch part of de clip.