LEARN TO MAKE MONEY WITH AFFILIATE MARKETING
Adegboyega Oyetola wey be de outgoing governor of Osun state don tell him supporters make dem remain calm after Ademola Adeleke win am for Osun decides 2022 election
De result of de election according to how INEC take show am make am clear say Ademola Adeleke win Gboyega Oyetola as he get 403,371 total votes and he use 28,344 gap take win Adegboyega Oyetola for de 2022 governorship election.
According to de statement by Chief Press Secretary to de governor, Ismail Omipidan, he say All Progressives Congress (APC) don take notice of de result of de governorship election wey Independent National Electoral Commission (INEC) announce am on Sunday.
Oyetola say de party go make more statement after dem study de results and consult with major pipo wey get mouth for de party.
De governor advise pipo wey dey support am make dem no do gragra as he tell dem make dem dey calm plus do dia normal business as nothing dey happen.
The governor also tell security pipo dem make dem dey at alert make yawa no bust for any where as dem suppose maintain peace.
The News Agency of Nigeria (NAN) report say de Independent National Electoral Commission (INEC) declare Adeleke as de winner of Saturday governorship election for de state.
Meanwhile as de Returning Officer Prof Oluwatoyin Ogundipe announce de result for de INEC Collation Centre, him say Adeleke gather 403,371 votes take win him closest opponent Gov. Gboyega Oyetola wey be de candidate of de All Progressives Congress (APC) wey get 375,027 votes.
NAN also report say PDP win for 17 local government areas and APC win for 13.
De 13 local government areas wey APC win na; Ilesa East, Ayedaade, Boripe, Ifedayo, Ife Central, Boripe, Ola-Oluwa, Iwo, Isokan, Irewole, Atakumosa East and Ife East.
PDP win for dis 17 local government areas; Boluwaduro, Osogbo, Ila, Atakumosa West, Ifelodun, Ilesa West, Odo-Otin, Obokun, Orolu, Olorunda, Ife North, Irepodun, Oriade, Ede South, Ejigbo, Ede North and Egbedore.