LEARN TO MAKE MONEY WITH AFFILIATE MARKETING
MUSLIMS WEY KILL CHRISTIANS FOR NIGERIA OVER BLASPHEMY NO GO SMELL PARADISE – GUMI
Muslims wey kill Christians for Nigeria over blasphemy no go smell Paradise, popular Kaduna-based Islamic scholar, wey Sheikh Ahmad Gumi don declare.
He bin dey react to di killing of di student of Shehu Shagari College of Education (SSCOE) wey be Deborah Samuel over di alleged blasphemy against Prophet Muhammad last Thursday.
Gumi talk say Nigeria no be Islamic state, adding say Muslims suppose get agreement with people of other faiths to take live together peacefully.
He sat any Muslim wey kills Christians wey dem don agree to live peacefully on religious guise don commit a grievous/great sin.
Di Islamic scholar speak for one of his preachings for Sultan Bello Mosque for Kaduna.
He say e dey unfortunate say some Muslim clerics dem dey quote verses dem no even understand and dey tell people to kill whoever dey insult dia religion.
Quoting say some Quranic verses and jurisprudence, di cleric talk say killing a non-Muslim under di cover wen di person utter blasphemous statement against Prophet Muhammad no be excuse “because Allah don tell us for the Qur’an say di non-Muslims go insult Allah and His Prophet. Na now di blasphemy go start after di killing of dat lady for Sokoto, di insult go increase, e no go reduce.”
Gumi talk say some Muslims for Nigeria wey wan defend Prophet Muhammad suppose dey ashamed of demself becos dem dey corrupt.
E explain say di best way to defend to take defend di Prophet na to follow his teachings.
According to Gumi: “We wey be di clerics need to wake up and to also teach di Muslims di religion. We gats leave disstate of ignorance, we don turn like animals. We di Muslims no be di only ones for dis country.
“E no dey only say we no be di only ones in this country, we must also know say nothing dey wey di unbelievers no do to Prophet Muhammad but he dey patient because he bin dey conscious say if he killed dem, di unbelievers wey dey try to bring to di fold of Islam go tag am as killer.
“People dey wey no even be Muslims not Christians forNigeria and everyone dey try to win dia souls. Also, people dey wey no be Muslims, wey dey preach Islam too so dey fit enter di fold of Islam and be salvage in di hereafter.
“If we con begin to dey kill people, dey go say na even from di leader of our faith, Prophet Muhammad wey learnt am from. Dey go say dia religion na a religion of blood taking. At a time we dey try to draw attention of people to see di beauty of Islam, we con dey fear dem away.
“E dey unfortunate say we even see some clerics wey dey tell people say whoever insults your religion just go kill dem. Dem dey quote verses wey dem no understand.
” Dia is nobody we get di will to kill anyone except through di Islamic justice system. And doing am, di conditions of such justice must dey completed before anyone fit die .”
He add say: “Our religion na civilised religion. Di white people don Learn rule of law from Islam. But today we be di ones in this level of lack of civilisation, to di extent say an Islamic cleric dey quote Qur’an and Hadith and e dey spread and encouraging barbarism/nonsense.
“People wey never dey able to take perfect their own acts of worship di way dey supposed to do am. People wey no know how to pray properly na dem con be di ones wey dey say dem want go dispense/give justice to people wey commit blasphemy.
“Watin people no know be say, for the Islamic perspective, di world dey divided into two, di Islamic world and di non-Islamic world, dat is to say countries wey dey governed by di Islamic law and dose wey dey governed by oda laws.
“Dose wey no Muslims dey divided into two; dem dey as non-Muslims wey you go engage in war and dem non-Muslims wey you don make agreement with. Does wey you don agree with also dey divided into two; those wey dey live under di Islamic laws and dose wey no dey binded by di Islamic laws.
“Nigeria’s non-Muslims no dey live under di Islamic laws, all of us don have an agreement under di Nigerian Constitution to take live together. So, Prophet Muhammad talk say whoever kills a soul of non-Muslim wey dey under such agreement of living together no go smell di fragrance of paradise. Such person’s distance to paradise go dey like a journey of 40 years.
“Killing non-Muslims under di guise say, di person uttered a blasphemous statement against Prophet Muhammad no be an excuse because Allah don tell us for di Qur’an say di non-Muslims go insult Allah and His Prophet. In fact, na now the blasphemy go start after di killing of dat lady for Sokoto, di insult will increase, not reduce.
“Watin Allah ask us to do for di face of blasphemy for society like our own, na to dey patient and preach to di people and also try to make dem understand our religion. For our kind of society, we no even get the right to kill for blasphemy, otherwise, even many people wey call themselves Islamic clerics wey don dey equally killed because dem don fall into blasphemy as dem call Allah human being or dey say they know tomorrow or those wey don indirectly turned to Babalawo.
“Di Prophet tell us say, time go come towards di end time, when people go feel like taking other people’s life. So, he say instead of doing dat, e dey better for you to go look for rock and be boxing am, so that, you no go get di urge to killing anytime.
“So, who we suppose leave just justice for di face of blasphemy? Na di authority. We no get di right to take up arms to go kill anyone, except for self defence, like when some come talk say e wan take your life or armed robber invade your house. No be you suppose to defend Islam, in fact, you dey making di work of di calling people into Islam dey difficult.
“Di right thing di students wey kill di lady for Sokoto suppose do na to report her to di school management, den di management report am to Governor or Sultan so dem go know how to stop her. Just say you hear her commit blasphemy, you just go carry out jungle justice on her, who teach you dat one? Watin una want turn our country into? We gats leave dese acts of barbarism.
“Na even we di Muslims of Nigeria wey wan defend Prophet Muhammad? We wey dey corrupt? We wey no fit even be differentiated from unbelievers for corrupts acts. Di best way to go if we wan defend prophet, na to follow his examples to dey upright in all areas.”