LEARN TO MAKE MONEY WITH AFFILIATE MARKETING
GUNMEN ATTACK JAMB OFFICIAL DEM, KILL GATEMEN FOR LAGOS HOTEL
One gateman with Mabila Hotel for Ikorodu, Lagos State, dem kill am for di early hours of Wednesday by some unknown gunmen and dem rob some officials of di Joint Admissions and Matriculation Board (JAMB) wey lodged for dia .
Di Police spokesman for Lagos Command, wey be SP Benjamin Hundeyin, confirm di incident to di News Agency of Nigeria (NAN).
He talk say di JAMB officials; dem don relocate dem to safe place.
Di PPRO talk say, “One Prof. Odunsi, wey be official of di Joint Admissions and Matriculation Board (JAMB) wey lodged for di hotel say dem rob am of im two phones, one HP Laptop and N20,000 cash.
“Similarly, two female official of JAMB, wey lodged for di hotel, dem rob of dia phones and jewellery,” he talk.
Di spokesman talk say di hoodlums shoot di hotel’s gateman, wey dem identified as Peter, 40, wey bin dey attempt to prevent dem from escaping.
He explained say di gateman, dem rush am go one undisclosed hospital wia he con later die, adding say di body/corpse dem don deposit am go Ikorodu General Hospital mortuary.
Hundeyin talk say di police bin get distress call for about 2.40 a.m. on Wednesday say some hoodlums dem bin invade di hotel wey dey located for No. 60, Omodisu St., Asolo-Owutu, Agric area for Ikorodu.
He talk say based on di call, di police from Owutu Division con go di place immediately, adding say when di hoodlums sight di police van wey dey come, dem con run inside one Lexus SUV.
“Di Commissioner of Police for Lagos State, wey be CP Abiodun Alabi, don assure say no stone go dey left unturned. He don order serious manhunt for di suspects,” he talk.