LEARN TO MAKE MONEY WITH AFFILIATE MARKETING
COURT DON PERMIT LANDLORD SAY MAKE E BREAK, CHANGE LOCK OF TENAMT DOOR.
One Upper Area Court for Ilorin on Thursday bin permit one landlord, wey be Mr Bakinde AbdulWaheed, say make e break open and make e change di locks on im tenant apartment door over as e don disappear for three years.
Di presiding Judge, wey be Mr Moshood Ajibade, give di order after AbdulWaheed, report say im tenant disappeare for three years without say dem no hear any word from am.
Ajibade order be say di two apartments make dem force am open for di presence of di landlord, di court orderly and even staff of di court.
He talk say make all di property wey dem find for di apartments make dem itemize am, and all di witnesses dem wey dey present must sign on di paper.
Di judge also hold say only di goods wey dey valuable say make dem carry am go court premises and make dem keep am for some period of time as di law policy be.
E explain say after di time wey dem give dem don pass, make dem sell di property and di moni wey dem see inside, make dem use am pay for di three years rent wey the tenant dey owe landlord.
“I go visit di man wey introduce my tenant to me. Im sef no even know di place wia im friend Ola dey up till now.
“E still dey owe me three years rent and na N108, 000. We agree say e go dey pay N36, 000 yearly.
“I wan rent out di apartment. I don get plenty offer dem from people wey dey find Ouse and wan occupy di room,” he talk.