LEARN TO MAKE MONEY WITH AFFILIATE MARKETING
BANKY W DON WIN DI PDP HOUSE OF REP PRIMARIES FOR LAGOS
Mr Olubankole Wellington (Banky W) wey be Nigerian celebrity was for Monday, dem declare am as winner of PDP primaries for Eti-Osa constituency House of Representatives ticket for di 2023 general elections.
So far Banky W get better victory, as he get polling vote of 28 out of 31 vote wey dem cast by delegates for di primaries.
Make we know say delegates consist of 31 adhoc members of di PDP and one national delegate.
Banky W bin contest against one legal practitioner, Mr Sam Aiboni wey im poll reach only three votes.
Di Returning Officer, wey be Mr Ayodele Kazeem, na im talk di result, he talk say di process of di vote dey peaceful and say dem no do any partial inside.
Banky W con even tell NAN say di election wey dem do na free and fair one, e talk say e win di election by di grace of God and say na also will of di people.
He con show appreciation as he give thankful speech to im party pipo say dem give am chance to go represent dem and say e also dey salute di pipo too.
“I Dey over happy by di supot of my constitution pipo dem, di people, di ward chairmen, di leaders and di chieftains of di party.
“I feel di support even from under ground, to talk true, I no fit dey more api pass how I Dey so” he talk.
Banky W add say he bin get message, one vision and a plan say e go do tins beta for di constitution and say he go make all of dem apen, as e no go do mago mago, e go tell di pipo how mata dey go, and e go give dem good savice.
“Di real work just stat now, di primaries na just di start and I Dey glad, we get di grace of God with us; we move,” he add.
NAN report say if Rep. Babajide Obanikoro, son of former minister of state for defence, Sen. Musiliu Obanikoro go pick di APC return ticket for di primaries wey dey com, he go dey drag am with Banky W for di seat.