LEARN TO MAKE MONEY WITH AFFILIATE MARKETING
CLICK HERE
Motorist for Abuja, wey be capital city of Nigeria and some parts of Lagos state, dey struggle to get fuel on Tuesday as some petrol stations dey close while odas no wan sell.
Long queues dey for some petrol stations for Abuja as pipo gada to buy both for gallons and dia moto.
For Abuja motorists dey for long queues to buy fuel from petrol stations wey dey sell while some filling station no gree sell.
D same situation dey happen for the Island part of Lagos state. But somehow, e no too dey for di mainland part of Lagos state wia we notice say things dey go well on normal level.
Some NNPC retail stations inside Lagos dey shutdown and no dey sell fuel as of dis morning.
For Iju-Ishaga area of Lagos, queue never too plenty like some parts of the state sake of say some filling stations for that area still dey engage for their normal activities and queue never dey build up.
For Fagba still inside Lagos, some filling stations also dey engage for their normal activities as queue no dey at all, oda filling station no sell fuel at all and vehicles no bother queue for there.
For Yabapipo dey struggle to buy fuel for dia keg and moto as fuel attendants don lock up di sales.
Na Wetin come cause di fuel scarcity??
Wetin we hear be say pipo wey dey market petrol still never dey sure about moves to stop petrol subsidy sake of say goment bin don already get project for 2021 say dem go stop di subsidy regime for February dis year.
One local news report say some members of di Nigerian Association of Road Transport Owners don stop the operations in protest against di low freight rate for petrol wey dey receive from goment.
Di National President, NARTO, Yusuf Othman, come tell journalists for Abuja on Monday say “our pipo don park dia trucks and more pipo go still park dia own”
Di National President, Independent Petroleum Marketers Association of Nigeria, Chief Ukadike Chinedu, also tok say di fear ova subsidy withdrawal bin don dey di minds of both private depot owners and some retailers, leading to product shortage for filling stations.
