LEARN TO MAKE MONEY WITH AFFILIATE MARKETING
Di USA Attorney Office for di Central District of California don shift the sentencing of Ramon Abbas wey everybody know as Hushpuppi to July 11, 2022.
Thom Mrozek wey be the tok-tok person for dia attorney office for obodo USA don come yarn BBC say di court don move di unto say Hushpuppi counsel request for am.
Hushpuppi wey don dey detention for almost two years now dey face accuse of money laundering wey reach like $24 million.
The Instagram star suppose get im sentence on February 14 wey be Valentine Day before di court come move am.
The Court document wey Mrozek send to BBC don show say na United States District Judge Otis D. Wright grant di order for postponement.
Na Louis Shapiro dey lead Hushpuppi counsel.
Unto say di counsel request for am, di sentencing go later continue for July 11, 2022 around 11:00 a.m. Naso di court document tok.
Before di postponement Thom Mrozek never give details of how Huspuppi trial matter go for court.
E no give any informate about how long di sentence fit dey.
Na so Mrozek give hint say las las Huspuppi go serve im sentence for American prison.
E however say dem go comot Huspuppi for America afta e serve im sentence. “E fit dey subject to removal from di United States once e complete im prison sentence,” Mrozek tok.