LEARN TO MAKE MONEY WITH AFFILIATE MARKETING
Nigerian authorities say dem don seize 120 tonnes of dangerous imported hides and skins wey everybody known as “PONMO” for Lagos city.
Dem seize am on suspicion say dem don already process am wit chemicals to use for leather industries still some pipo dey sell am as foodstuff, di National Food and Drug Agency, NAFDAC, tok am.
E never dey clear from which kontri dem import am come.
NAFDAC Investigation and Enforcement officials say dem sharperly carry out intelligence gathering around certain locations wia dem keep di products and dem dey sell am.
Dis one happen after plenty complain come from di public, sake of dem presume say sale and distribution of imported hides and skins wey dem suppose use for leather industries.
NAFDAC say dem don already process di leather wit industrial chemicals. “Dem dey sell dis hides and skins to people wey no sabi the koko of the matter make dem for buy for consumption thinking say na real Ponmo.”
Di agency tok further say dem don arrest seven suspects wey get hand for di mata.