LEARN TO MAKE MONEY WITH AFFILIATE MARKETING
One 23-year-old SS II student of Demsawo Government Secondary School in Yola, Adamawa state, don enter police hand bcos of armed robbery and im claim say na bcos of school fees make am enter the crime.
Di suspect, wey be Abubakar Mohammed don go before Yola Magistrate Court I for one count charge of thief thief wey dey contrary to section 287 of the state penal code law, im admit say im commit the crime.
Report bin say the student break enter the house of one Maryam Jamilu for Wauru Jabbe inside Yola South LGA for broad day light with knife, hala to kill her.
im attack the woman on the 11th February, 2022 inside her palour where im steal her mobile phone wey cost N68,000 wit another phone wey cost N6000 togeda wit N200 cash.
As Maryam dey escort her visitor after the operation, as she see the suspect na so she raise alarm, na wetin lead to im arrest.
After dem take the plea of the defendant, the prosecutor, ASP Francis Audu, tell the court to make sure the defendant remain for correctional centre so dem go fit transmit case file to DPP for legal advice considering the nature of the offence.
In his ruling, the presiding judge, Abdullahi Mohammed Digil, order the remand of the defendant, come adjourn the matter as requested by the prosecutor.
Speaking to journalists, the defendant say im engage for the robbery to raise money to pay im 1st and 2nd terms school fees, say im papa don die.