LEARN TO MAKE MONEY WITH AFFILIATE MARKETING
Di Oyo State Joint-security task force, Operation Burst, don find some kain iPhones wey dem thief from one suspect for Sabo area, some days to New year.
Di security pipo tok say dem find dis ones as dem dey burst thief sports for Ibadan on Thursday, December 30.
Director General of Oyo State Joint Security Task Force, Operation Burst, Colonel James Oladipo (rtd), been confirm say dem collect like 23 iPhones from di suspect hand wey im thief before he jakpa.
Oladipo tok say dis na di kain kain tins wey dem dey do make dem fit protect pipo and deir properties for di state for dis ‘Ember months’.
Dis na how Oladipo tok am:
“We have been on the trail of criminals who have been terrorising citizens and residents at strategic locations, especially in Sabo area of the state,”
Oladipo don tell everibodi wey dem thief iPhone from recently for Ibadan, make dem bring deir proof of ownership so dem go fit collect deir phone back.
Di DG follow tok say di task force no dey sleep on top any matter wey concern security so make pipo dey bring info wey go fit help dem do deir work beta.