LEARN TO MAKE MONEY WITH AFFILIATE MARKETING
Men of di police force for Jinja, Uganda, don arrest one pastor and im wife after dem take one 4 years old girl, Trinity Nakisuyi Nabirye Zabeela, do ritual.
Prophet Joseph Sserubiri and Felista Namaganda of Deliverance and Healing Ministries in Kakira Market Zone, Kakira Town Council, Jinja, been land for police custody on Sunday, December 5, and dem don confess say dem take di girl do ritual make deir church big.
According to Uganda Police Force, Nabirye been miss from her papa, Mr Mulodi John house on September 30, 2021, and since den, di girl parents and police don dey go radio stations for everywia to try find am.
Di matter been don cold finish before di village pipo tell police make dem chuk eye for di prophet and im wife. After di Kira region police look di matter well well, dem come track di prophet phone numbers find out say im hand no clean.
After plenty investigation, di prophet and im wife come confess say na for church dem kill di girl make dem fit use her do ritual make church grow. Dem follow carry police go wia dem bury her head for Lake Victoria, Wanyange village and wia dem keep her body, for one sugarcane farm for Kakira.
Di prophet and im wife been rent Mr John parent garage take dey do church.