LEARN TO MAKE MONEY WITH AFFILIATE MARKETING
CLICK HERE
Four Police officers of di Kenyan police don collect jail terms after di court find dem guilty of di manslaughter of Alexander Monson, one British aristocrat wey been die for police cell for beach town, Diani in 2012.
Monson wey been move to Kenya to live with him mama, been die after he suffer ‘traumatic blow to the head’.
After some investigation, him family been discover say police officers been dey try to cover upp Monson’s treatment before he die. Police been don tok say na drug over dosage kill Monson.
Di victim mama, Hilary Monson been happy with di court judgement and dis na wetin she tok:
“This should send a strong message to the Kenyan police force to have respect for human life,” she told the court.
Suspected Yahoo yahoo person don cut woman ear as he dey try thief her baby for Ogun state
According to Reuter, di four police officers, Naftali Chege, Charles Wangombe Munyiri, Baraka Buluma and John Pamba been collect prison sentences of 48 years in total. All of dem been lower deir head after di judge read di sentences while one of dem been cry silently.
Chege been collect 15 years in jail with five years suspended, Munyiri been collect 12 years with six years suspended, Buluma been collect 9 years with five years suspended and Pamba been collect 12 years with six years suspended.
