President Buhari don talk say he go dey comot from office by May 29, 2023 and he don warn people wey dey campaign say make he stay longer to stop am.
Oga Presido been tok dis one for one meeting for Makkah with some Naija people for Saudi Arabia where he been visit.
Dis na Oga Presido words:
“I swore by the Holy Qur’an that I will serve in accordance with the constitution and leave when my time is up. No “Tazarce’’ (tenure extension). I don’t want anybody to start talking about and campaigning for unconstitutional extension. I will not accept that.”
President Buhari follow tok say he like as dem dey use technology take do di nation elections. He tok say di card reader and electronic register na answered prayers for am as dem been don cheat am for di last three elections wey he been contest.
Dis na him exact words:
“After the third so-called defeat, I said, ‘God Dey’. My opponents laughed at me but God answered my prayers by bringing in technology. At that point, nobody can steal their votes or buy them,”
Oga Presido been pass from mosque come back and he tok say he go continue to follow di constitution and he go make sure say all di ministers dey do di same. He follow tok say for di 18 months wey he get as president, he go do anything wey he fit do make life better for Nigerians and di kontri.
Di President follow congratulate di Naija people for outside di kontri wey dey fly our flag follow tok say make people carry how di kontri been dey for 2015 compare with now wey e don better.
Oga Presido follow tell di Naija people for Saudi Arabia make dem respect di laws and make sure say dem no do anything to spoil di reationship wey Naija get with Saudi Arabia.