Di Governing Council of di Federal Polytechnic, Bauchi, don sack two lecturers after dem find them guilty of sexual harassment of students.
Na for di 98th meeting of di Polytechnic Governing Council on Saturday, October 23rd, dem take dis decision.
Di dismissed lecturers na Musa Baba Abubakar of di General Studies Department and Adebusoye Michael Sunday of di Nutrition and Dietetics Department.
All dis one been shele after complain from Human Rights Organization, Prison Inmate Development, (PIDI Nigeria) say di management of di institution dey try protect Mr. Musa Baba Abubakar wey everybody don see finish say he dey harass female students.
Dem been address di letter wey been date October 7th,2021, give Attorney General and Commissioner of Justice, Ministry of Justice through di Director, Public Prosecution of di Ministry, Bauchi, signed by Japhet Ikita.
PIDI been quote a 17-year-old as she tok say:
“He took a knife and threatened me that if I didn’t agree to have sex with him, he would injure me. I was very scared, then he came close to me, used his hands and pulled down my clothes by the waist side leaving the rest of my clothes and defiled me; there was blood. No man has ever touched me.”
PIDI-Nigeria sef don allegedly receive letter from one law firm wey dey represent Academic Staff Union of Polytechnic (ASUP) Federal Polytechnic Bauchi Chapter, say make dem reverse deir ‘libelous statement against their client’.
See di letter here:
‘Man Utd fans deserve better’ – Cristiano Ronaldo yarn after Liverpool scatter Man Utd 5-0
