Di World Health Organization (WHO) don rank Nigeria as di Fourth-best in di world for Covid-19 response.
Dr Walter Mulombo, WHO country representative been talk dis one for di event wey go mark di arrival of di first consignment of 177,600 does of di Johnson & Johnson Covid-19 vaccine yesterday, August 12th.
He talk say WHO don dey praise di country say dem don try well well as dem complete di first phase of di Covid-19 vaccine for Frontline workers and high risk persons dem.
See how Mulombo been talk am:
“We are witnessing the symbolic arrival of 177,600 Johnson & Johnson vaccines, another landmark event in Nigeria’s response to COVID-19 pandemic; widely acclaimed by many as one of the most successful so far in the world.
Nigeria was ranked fourth among the top ten most successful responses to Covid-19″.
He talk say Federal Government of Nigeria dey very committed to make sure say every eligible person for di country go get safe and equitable vaccination.