A 200-level student of Nnamdi Azikiwe University, Akwa, Anambra State been don commit suicide for inside one of di school hostel room on Friday, August 20th.
The Nation talk say di deceased student na from Isuikwuato Local Government Area of Abia State and na Industrial Physics he been dey study. Dem been come see di body for rope when dem break di room door.
Dis na wetin eyewitness talk:
“The deceased locked himself inside the room and when the door was broken, he was seen dangling with a rope around his neck.”
Anoda student talk say di deceased student na very calm and quiet person and he never show signs of depression.
Di Chief Security Officer of di institution, Ken, Chukwura, talk say dem don invite di deceased roommates for questioning. He say make students no fear say everything dey under control.
Di spokesperson of di Anambra State Police Command, Ikenga Tochukwu, as he dey confirm di wahala talk say e dey ‘unfortunate’ and investigation don start.