Naija representative for di Tokyo 2020 Paralympics, Yakubu Adesokan, don take 4th position after he miss out for di Bronze medal on top di men’s – 49kg Powerlifting with him best lift of 155kg.
Adesokan been don try to carry 161kg make he fit take Bronze (3rd) from Azerbaijan Parvin Mammadov, wey been lift 156kg, but he been no fit.
Jordan Omar Qarada been win gold medal with lift of 173kg while Vietnam Le Van Cong been win Silver medal.
Ibrahim Dauda go contest for Naija inside di men’s 59kg event on Friday while Nnamdi Innocent go represent Nigeria on Saturday for di men’s 72kg.
Adesokan no be jjc for di Paralympics as he don win gold medal before for di – 48kg event inside London 2012 Paralympics.