Di Kano Hisbah board don explain why dem dey treat di rich people better than di poor as dem dey enforce deir rules.
A director of di Islamic police, Aliyu Kibiya, been do di explanation on top di Freedom Radio Programmer.
Kibiya talk say dem no dey call out leaders for public according to di tenets of Islam.
See as he talk am:
“Although we call on everybody in the society to do the right thing, but we make the call on case by case basis.
“It is against the tenets of Islam to mount the podium and call out leaders. There are ways to caution a leader without criticizing him in public.”
Di Sharia police been don collect gbas gbos unto say dem no dey carry strong hand for rich people and deir pikin dem like dem dey carry for poor people.
Di commmander-general of di board, Haroun Ibn-Sina, been tell radio station say dem dey arrest rich people children but dem never talk anyone wey dem don arrest.