Ahmedabad police for India don arrest a 23-year-old Nigerian wey thief N28 million from trader.
Di accused na Essis Esmel Octave and na for Delhi police arrest am on Tuesday, August 10.
According to police, Octave been wan sell 10ml of ‘Urazi Herbal Oil’ for $200 say e be ogbonge medicine. Dem tell di Odhav-based trader say e hard to get di oil and if he fit find am for dem for inside India, dem go pay am well well.
After dem go complain to police, di team been go arrest di Naija man. Di investigators been follow trace di accounts and phone numbers wey di accuse been use.
Cyber cell officials don warn traders make dem no fall victim to any oil scam.