Di Economic and Financial Crimes Commission (EFCC) don catch another set of fishes wey be Naija fraudsters, Tobilola Ibrahim Bakare and Alimi Seun Sikiru.
Di fraudsters don lose cash and properties wey worth millions of naira for di Lekki axis of Lagos to di Federal Government on top deir arrest and successful prosecution by di EFCC.
According to wetin EFCC talk for deir Facebook page on Monday, August 9th, di two people don confess say dem dey do Yahoo yahoo.
See wetin dem lose:
- Mercedes Benz E500 and a Toyota Hilux 2020 valued at N30M million
- Five-bedroom duplex situated at Ibrahim Eleto Street, Osopa London, Lekki, Lagos
- Four-bedroom semi-detached duplex situated at Ologolo, Jakande, Lekki, Lagos
- Four bedroom semi-detached duplex in Southern View Estate, Mayor court, Chevron Alternative Road, Lekki, Lagos (three Duplexes in Lekki values at N230 million.
- N196, 741, 216.82 and N7,054,852.01 in bank accounts (about N204 million)
Tobilola na from Ijebu Ode, Ogun State and EFCC been catch am and him colleague, Alimi Seun while dem dey investigate Kehinde Adelakun, another fraudster wey dem catch.