Samsung electronics vice chairman, Lee Jaeyong don comot for prison under parole. Dis one been happen on Friday, August 13th after he don stay for 18 months out of di 30- month prison term wey he been collect for corruption.
Di 53-year-old executive, wey be Samsung de facto leader been comot for di Seoul Detention Center for Uiwang, a city south of Seoul, this Friday morning.
Lee Jae-yong- di 202nd richest person for di world according to Forbes with net worth of $11.4 billion been dey serve 2½ years for bribery, embezzlement and oda offences wey been dey in connection to di corruption scandal wey been bring down ex-South Korean president, Park Geun-hye.
Di Justice ministry been talk on Monday, August 9th say dem don release over 800 inmates for parole unto say Covid-19 don affect di country economy tire. As Lee dey comot from di detention centre, this na wetin he tell reporters before he leave:
“I am very sorry for making people worried. I know there are concerns, criticism, worries and big expectations for me. I will do my best.”