LEARN TO MAKE MONEY WITH AFFILIATE MARKETING
Di Economic and Financial Crimes Commission, EFCC, Uyo Zonal Command, don secure di conviction of two bank workers, Daniel Akpan Eno and Mbuk Idongesit before Justice Edem Ita Kufre of di Cross River State High Court, Calabar on top matter of conspiracy and theft of funds for account of bank customer wey don die.
Na for Wednesday, August 4th,2021,wey di court convict dem after dey don confess. Justice Kufre been convict sentence Akpan to 3 months imprisonment with option of fine, N50, 000 Naira; Idongesit get 3 months imprisonment with option of fine, N30, 000 Naira.
Dis wahala been start when Idongesit and one Utibe George(at large) been go show Akpan di burial program of one Godfried Godwin Osso, di bank customer, wey Utibe George been claim say he be him step-father.
On May 24th, 2021, George been don round up how dem wan take do di money. Dem even call another cashier for another bank make dem fit collect all di money easily and na 50:50 dem agree.
Di bank been notice say money dey just comot here and there dey enter people account so dem call EFCC.
After di investigation, dem discover say on June 19th, 2019, Victor okon and George Utibe been collect N1, 500,000 Naira, Daniel Akpan been collect N1, 040,000 Naira while Godwin Mbuk been collect N130, 000 Naira only.
Di Judge been talk say make dem dey for inside prison until dem pay their fines while Victor go dey prison until di hearing of him bail application on August 10th, 2021.