Di Kano State Police Command don arrest a 17-year-old girl, Aisha Kabiru, after she allegedly stab her neighbour, Bahijja Abubakar, 28 to death for Kumbotso Local Government Area of di state.
Spokesperson of di command, DSP Abdullahi Haruna Kiyawa, been talk dis one for statement on Saturday, August 21. He talk say di suspect been stab di victim for di back of her neck.
Di victim been die while she dey receive treatment for Murtala Mohammed Specialist Hospital, Kano, on 20/08/2021.
Di Commissioner of Police, CP Sama’ila Shu’aibu Dikko, fsi (Nagari-Nakowa) been talk make dem transfer di case go di Crimal Investigation Department, Homicide section, for discreet investigation and after dat dem go carry di suspect go court.