The Nigeria Hydrological Services Agency (NIHSA) don talk say do water wey carry plenty places for Lagos State last week never near wetin go shele for September.
As NIHSA been dey check flood rate for 2021, dem been talk say dis year go get plenty flood cases pass every other year since 2012. Na for May 2021 dey talk this one for di annual flood outlook for Abuja, Nigeria.
As per wetin occur for Friday last week wey water carry everywhere for Lagos State, NIHSA Director-general, Clement Eze don tell people wey dey live for Lagos make dem prepare well well for wetin dey come for September as na dat time rain dey fall pass.
God don change my story, I get new husband- Tonto Dikeh: Full gist for here
The body talk say Nigerian government never build holding dam across River Niger and di Ladgo dam for Cameroon so as water dey flow big, nothing dey to control di flow.
The Director general talk say dey gats open Oyan dam for Abeokuta if water plenty make the dam no burst as area go hot. He follow talk say Dem been don tell people wet dey live for Lagos and di surroundings say water go carry plenty places once rain begin dey fall and Lagos fit loss for water in di next 50 years.
Na like this he talk am:
“Lagos and surrounding areas were included in our prediction in terms of the flooding that occurred. Also, Lagos is one of the 10 mega cities globally and there are six cities that are sinking and might sink or disappear in 50 years based on meteorology. Lagos is one of them.
Infact, one of my cousins sent me a voice message in 2019 after reading one of my posts, telling me that they told her in school in Germany that Lagos State would disappear by sinking in the next 50 years”