LEARN TO MAKE MONEY WITH AFFILIATE MARKETING
Di man na farmer for China and him name na Guo Gangtang. He don finally see him son after 24 years since when e don dey find am throughout di country.
Guo Gangtang spend 24 years dey use motorcycle dey find the boy wey human traffickers carry when e dey two years around di country. Him say he travel more than 300,000 miles on top motorbike, with two banners and him son picture Guo Xinzhen dey each banner.
Di kidnap happen for di family house for di province of Shadong when di boy begin miss and pipo for dia country been don dey help dem find di boy.
Di pipo wey been thief the boy been don carry am go another side of di countri go sell and since then over 500 people don dey help the family find their pikin for everywhere but dem no still see am.
According to di Chinese police, dem say na DNA dem use trace the boy identity till dey come find am for where dem see am.
As the boy don finally come house, the mama and papa don de cry de hug their pikin. Ever since dem their son, de papa say e don travel over 20 provinces for Asia on top bike de find him son.
Di papa talk say e get am for mind say as e dey find him pikin so say e believe say one day e go see am and true-true e finally see am.
Now, the papa talk say everything go de jeje as dem don see their son and he talk say dem happy wella. Also, Chinese police don arrest de couple wey demdey suspect say been thief de pikin.
For 2015, de story follow inspire one movie, Lost and Love, where Hong Kong mega-celebrity Andy Lau play role.
Follow chuk mouth for dis matter inside de comment section.