Naija female athletes, Blessing Okagbare and Grace Nwokocha don qualify for the semi-final of the women’s 100 metres for the ongoing Tokyo Olympics.
Okagbare wey be champion for both 100m and 200m been finish 1st for her group under 11.05 seconds, United Kingdom’s Asha Phillips been finish 2nd under 11.31 seconds while Bahamian athlete, Tynia Gaither been finish 3rd with 11.34 seconds.
This na Okagbare third consecutive Olympics semi-final and her fourth appearance for Olympics.
Naija Officials no wan give disqualified Nigerian Olympic athletes their Samsung phone gifts: See full gist
32-year-old Okagbare na Olympic and World Championship Medalist. Na she be the women’s Commonwealth Games record holder and di current African record holder for 200m.
For Nwokocha, this na her first semi-final but for Okagbare, this na her 3rd since her first time for 2012 Olympics for London.
