LEARN TO MAKE MONEY WITH AFFILIATE MARKETING
CLICK HERE
For morning of Friday, July 16th, the operatives of Ogun State Police Command been shoot suspected thief along Shagamu/Ijebu ode expressway as e dey thief from people for the highway.
According to wetin the spokesperson of the state police command DSP Abimbola Oyeyemi talk, the suspect been go jam bad luck when DPO Odogbolu division and SP Awoniyi Adekunle and their boys wey been dey joint patrol receive call say thieves wey reach seven been don block road around Southwestern University come dey collect people property.
As the police people reach there, the thieves come dey shoot for them till e reach like 45 minutes before they come catch one thief wey don wound well well and others carry their wound run. The thief later die as they wan carry am go hospital.
Check out lagosians wey water don carry their house and moto
The DSP later talk say the commissioner of Police, Edward Awolowo Ajogun wey cut cap give the men don order make them search the area well well till they find the other thieves them. He follow talk say if person wey get him wound come hospital make them alert police.
E be like say police for Naija don dey step up oh. Make we yarn for comments.
