Ekene Ezeunala Franklin wey pass everybody for the JAMB 2019 Examination get 347, don get fully funded scholarship. Ekene na 17 years old boy wey been dey go Meiran community senior high school for Lagos and like this he go dey study computer science and mathematics for obodo oyinbo school e name na Columbia University for New York, America.
Amebo don discover say no be only Ekene get the scholarship, but e reach 30 people wey oyinbo people give this chance make them go learn book for Obodo oyinbo without to dey pay money.
This na why BOVI BEEN NO WANT GIRL CHILD
For obodo oyinbo, 6 people go de do first degree, 3 people wan do masters and 21 people wan do them PhD for plenty courses like neuroscience, biomedical engineering, bioinformatics, computer science and engineering and na ontop 2021/2022 school year Dem go start.
Claire Pierangelo wey be US consular general don drag their ear well well. She tell them make them no carry this opportunity play and make them learn well well even pass book learn America culture join.
Another person wey follow get this scholarship na Urinrin Otite. Na she be the first person wey get first class for department of civil engineering for Uniport. She go dey attend Lehigh uni wey she go collect PhD take comot.
Amebo don find out say Nigerians wey dey go school for America reach 13,762 for over 1000 different schools for there. Follow chuk mouth for the matter for comments section.
